ПОЉАНСКИ: Дали навистина мислите дека не би можеле да го погодиме Зеленски ако навистина сакаме?

Добивај вести на Viber

Русија тврди дека не сака да го убие украинскиот претседател Володимир Зеленски. 

Рускиот претставник во ОН – Дмитриј Пољански изјави дека Русија нема намера да го ликвидира Зеленски. Пољански, на седницата на Советот за безбедност на ОН за Украина, за критиките  на западните земји против рускиот напад на Одеса, блиску до локацијата каде што беа грчкиот премиер Киријакос Мицотакис и Зеленски, рече дека руските сили имаат многу поважни воени цели во Украина од украинскиот претседател.

„Дали навистина мислите дека не би можеле да го погодиме Зеленски ако навистина сакаме да го направиме тоа? Обидете се да одговорите на ова прашање, но бидете искрени“, вели Пољански, пренесе Тасс.

Рече дека во рускиот напад недалеку од локацијата каде што биле Мицотакис и Зеленски е уништен објект за производство на поморски дронови, односно нивно склопување од компоненти испорачани од Велика Британија.

Медиумите претходно објавија дека за време на рускиот напад на Одеса на 6 март, руска ракета експлодирала во близина на конвојот на Зеленски и Мицотакис. Од Западот имаше реакција дека ова било ризик за реакција на НАТО. Откако почна војната во Украина пред две години, украинските разузнавачи тврдеа дека спречиле голем број обиди за атентат на Зеленски.