Португалците на нозе против политиката на строго штедење
Објавено во: Свет 16 Декември, 2012 10:19
Илјадници Португалци демонстрираа во Лисабон, на повик на синдикатите, за повторно да протестираат против политиката на строго буџетско штедење на португалската влада под надзор на ЕУ и Меѓународниот монетарен фонд, пренесоа француските медиуми.
Демонстрациите, организирани од главната синдикална Конфедерација на земјата, завршија пред претседателската палата со барање кон шефот на државата Анибал Каваку Силва да не го прогласува буџетот за 2013 година.
Идната недела претседателот треба да одлучи дали да го прогласи буџетот, да му стави вето или да го испрати пред Уставниот суд, кој ќе се произнесе по законитоста на мерките вклучени во буџетот.
Португалија добива финансиска помош од ЕУ и ММФ од мај 2011 година и презеде обврски да изврши реформи и да спроведе строго буџетско штедење.
Јавното незадоволство, меѓутоа, значително нарасна во последните месеци со засилувањето на рецесијата и рекордните нивоа на невработеност од приближно 16 проценти од активното население и 39 проценти од младите.
Можеби ќе ве интересира
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
Австралискиот премиер го посети во болница херојот на Бонди: Ахмед ал-Ахмед e „најдоброто од нашата земја“
САД даваат безбедносни гаранции за Украина, но нема договор за територијални отстапки
Украина добива гаранции од САД слични на Член 5 од НАТО?
(ВИДЕО) Мароко брои жртви, по седум години суша се борат со поплави
