ПОСЛЕДНИТЕ ФОТОГРАФИИ ОД НАВАЛНИ ПРЕД СМРТТА ВО ЗАТВОРОТ: Видно измачен и изнемоштен, се жалел на голем студ

Добивај вести на Viber

Навални последен пат јавно зборуваше на крајот на јануари од затворот Јамал Нанец на околу 60 километри северно од Арктичкиот круг, кога ги повтори тврдењата дека бил отруен, физички нападнат и лишен од соодветна медицинска нега. Осуден на затвор до 74-годишна возраст под обвиненијата за кои тврди дека биле фабрикувани за да го држат надвор од политиката, Навални на 22 јануари рече дека неговата утринска рутина сега се состои од слушање на руската химна, како и песната „Јас сум Русин“, од  пејачот на Пуутин,  Шаман. Се жалел и на големиот студ во затворот.

На фотографиите кои тогаш беа објавени, очигледно е дека Навални е видно измачен и изнемоштен, иако се трудеше да изгледа позитивно и насмеано.

Навальный: когда меня увезли, у вас вечеринка в ИК-6 была?
Представитель ИК: уважаемый суд, прошу снять вопрос.
Навальный: я переформулирую — просто вечеринка или караоке-вечеринка?

Судья смеется и снимает вопрос.

Фото: Александра Астахова / «Медиазона» pic.twitter.com/G9DF4dSkS4

— Медиазона (@mediazzzona) January 10, 2024

За Нова година објави семејна фотографија со помош на фотошоп

На 31 декември 2023 година, Навални објави семејна новогодишна фотографија на „Инстаграм“ направена со помош на „Фотошоп“.

- За третата Нова година направив традиционална семејна новогодишна фотографија со помош на фотошоп. Се трудам да бидам во чекор со времето и побарав од вештачката интелигенција овој пат да ми направи семејна фотографија. Се надевам дека испадна свечено - оваа слика ќе ја видам дури кога писмото со неа ќе пристигне во Јамал ​​- стои во објавата до фотографијата.

-Ужасно ми недостасува семејството. Јулија, децата, родителите, братот. Ужасно ми недостасуваат пријателите, колегите, нашата канцеларија и мојата работа. Страшно ми недостигате сите“, изјави Навални.

Навални (47) е поранешен адвокат кој стана познат пред повеќе од една деценија со исмејување на елитата околу рускиот претседател Владимир Путин и обвинувања за масовна корупција.

Најистакнатиот критичар на претседателот Владимир Путин во Русија и жесток противник на војната во Украина, почина денеска во затвор, каде одлежа 11 и пол години за измама, непочитување на судот и прекршувања на условната осуда. Тој ги отфрли сите овие обвинувања како измислени и политички мотивирани.

Како што објави Sputnik International, Навални по прошетката се чувствувал лошо во затвор и изгубил свест. На него беа извршени сите неопходни мерки за реанимација кои не дадоа позитивни резултати.