ПОТРЕСИ НА ПАЗАРОТ НА ТРУД ДО 2030: Милиони ќе бидат вработени во оваа клучна област

Добивај вести на Viber

До крајот на деценијата во светот ќе бидат отворени околу 170 милиони нови работни места, но 92 милиони ќе исчезнат, па нето вработеноста ќе се зголеми за 78 милиони, се вели во извештајот на Светскиот економски форум објавен на 8 јануари.

Технолошките промени, геополитичката фрагментација, економската несигурност, демографските промени и зелената транзиција, поединечно или во комбинација, ќе бидат меѓу главните фактори кои ќе го обликуваат или трансформираат глобалниот пазар на труд до 2030 година, се проценува во извештајот.

Извештајот за иднината на работата на Форумот за 2025 година покажа дека побарувачката поттикната од технолошкиот напредок, како што е вештачката интелигенција, рапидно расте, но во проценти.

Највисок раст во клучна област

Сепак, во апсолутни бројки, Форумот, комбинирајќи ги сопствените податоци и податоците на Меѓународната организација на трудот, заклучи дека најголемиот нето раст на вработеноста ќе има во периодот 2025-2030 година и тоа ќе биде во  земјоделството.

До крајот на деценијата, трендот на зелена транзиција, вклучително и напорите за намалување на емисиите на јаглерод и прилагодување на климатската криза, ќе придонесе за раст на работните места во земјоделството за 34 милиони. 200 милиони луѓе сега работат во оваа индустрија.

На форумот се наведува дека ширењето на дигитализацијата и порастот на трошоците за живот ќе придонесат и за зголемување на бројот на вработени во земјоделството.

Во првите пет професии со најголем раст на вработеноста ќе бидат вклучени и возачи на испорака, развивачи на софтвер, градежни работници и продавачи на мало.

Значителен раст се очекува и во секторот преработка на храна, како и во секторот за нега, со оглед на демографските движења, особено стареењето на населението.

Помалку сметководители, административци, чистачи...

Истовремено се очекува и пад на бројот на продавачи на билети и касиери, административни службеници, чистачи, сметководители, ревизори итн.

Извештајот оценува дека поголем фокус на програмите за континуирано учење, развој и преквалификација им овозможи на компаниите подобро да ги предвидат и да управуваат со идните барања за вештини.

Се предвидува дека технолошките вештини ќе добијат уште поголемо значење во следните пет години, а на врвот на листата ќе бидат вештачката интелигенција, сајбер безбедноста и технолошката писменост.

Според Форумот, креативното размислување и издржливоста, флексибилноста и агилноста, заедно со љубопитноста и доживотното учење, исто така добиваат на значење.

За истражувањето, форумот анкетираше повеќе од 1.000 најголеми работодавци во светот, кои претставуваат 22 индустриски кластери и вработуваат повеќе од 14 милиони работници.

Истражувањето беше објавено пред традиционалниот годишен состанок на Форумот во Давос од 20 до 24 јануари.