ПОВЕЌЕМЕСЕЧНА МИГРЕНА ПОРАДИ КОНСУМИРАЊЕ НА ЕДЕН ВИД ХРАНА: Скенот на главата кај еден пациент покажал паразитска инфекција, ова е причината
Објавено во: Свет 13 Март, 2024
Пациент на 52-годишна
возраст од Флорида страдал од постојана мигрена која не престанувала четири
месеци.
И покрај упорната медикаментозна терапија, симптомите не се смириле, па решил да побара помош од специјалист, пишува Daily Mail. По направените анализи и скен на главата, јасно се гледале паразити во неговиот мозок.
Во мозокот на овој пациент била дијагностицирана невроцистицеркоза, паразитска инфекција.
Скенирањето на мозокот открило повеќе цисти на двете хемисфери, заедно со отокот кој стручњаците за заразни болести го поврзале со присуство на свинска тенија која положила јајца во мозокот, иритирајќи ткиво под черепот на пациентот.
Според извештајот, се верува дека инфекцијата е предизвикана од консумирање недоволно печена сланина. Пациентот претходно им кажал на лекарите дека јаде мека сланина, која им го отворила патот на паразитите да влезат во неговото тело преку внесувањето храна, а потоа преку крвотокот до мозокот.
Симптомите на болеста зависат од локацијата и бројот на цисти во мозокот, вклучувајќи конфузија, недостаток на внимание на околината, проблеми со рамнотежата и хидроцефалус, вишок на течност во мозокот. Често се појавуваат месеци или години по инфекцијата, а најчесто кога цистите почнуваат да умираат. За среќа, пациентот набрзо бил излечен, цистите исчезнале, а мигрените значително се намалиле, Daily Mail.
ФОТО: Unsplash