ПОЗНАТИОТ ФУДБАЛЕР ВЛОЖУВА ВО КРАФТ ПИВО - иако има богата компанија што вложува во недвижности, ќе инвестира во родната Хрватска

Добивај вести на Viber

Капитенот на хрватската фудбалска репрезентација и играч на Реал Мадрид, Лука Модриќ одлучил своите пари да ги вложи во занаетчиски производител на пиво.

Според градоначалникот на Бјеловар, Дарије Хребак, Модриќ влегува во партнерство со производителите на едно од најдобрите хрватски занаетчиски пива, бјеловарската пивара Цепелин Крафт, пишува Пословни дневник.

Пиварата е основана во 2017 година, а локални извори наведуваат и дека Модриќ ќе стане сопственик на 50 отсто. За пивото и неговото производство ова е голем медиумски пробив, па бјеловарските власти веќе најавуваат дека тамошната деловна зона Велико Кореново е подготвена за можни проширувања на пиварницата и нови инвестиции. Според последните податоци, оние за 2023 година, пиварницата имала 16 вработени, приходи над 600 илјади евра и бележи континуиран раст.

Самиот Модриќ и неговата сопруга веќе пет години имаат семејна компанија во Мадрид, Modrić Family, со акционерски капитал од 38,6 милиони евра, која се занимава со инвестиции во недвижнини.

Како што пишува Пословни, единствените хрватски фудбалери кои досега направиле инвестициски потфати надвор од бизнисот со недвижнини се Домагој Вида, кој инвестирал во одгледување црни свињи во Славонија, додека многумина инвестирале во угостителството. Друг хрватски фудбалер, Милан Бадељ, се одлучи на сличен потфат на Модриќ, кој инвестираше во акции на загрепската пиварница The Garden Brewery.

Фото: ЕПА