Пред денот на Трудот со нов закон за работни односи
Објавено во: Македонија 25 Април, 2018
Во собраниска процедура наскоро се очекува да влезат предлог измените на Законот за работни односи и тоа е покренато на неколку дена пред одбележувањето на 1 мај денот на трудот.
„Владата на Република Македонија на 65-та седница го усвои текстот на предлог законот за изменување и дополнување на Законот за работни односи со кој се унапредуваат работничките права“, соопштија од Владата.
Речиси сите синдикални и работнички организација најавија дека на 1 мај ќе излезат на протести на кои ќе ги истакнат барањата за подобрување на работничките права, а дел од нив во изминатиот период имаа чести средби со премиерот и надлежните министри за вклучување на овие барања во законските измени.