ПРЕТСЕДАТЕЛКАТА ГО ПОМИЛУВА, ПОЛИЦИЈАТА ГО УАПСИ: Aрачиновец пак оди зад решетки
Објавено во: Македонија 24 Октомври, 2024
Полицијата го потврди апсењето на А.Р. кого претседателката Гордана Сиљановска-Давкова деновиве го помилува.
Во Скопје денеска полициски службеници од СВР Скопје, го лишија од слобода А.Р. (29) од селото Арачиново во врска со кривично правен настан случен на 14 октомври на територија на Чаир, каде што од огнено оружје е повреден Е.А. (35) од Скопје.
По преземени мерки и активности и изготвените вештачења од страна на Одделот за форензички испитувања при МВР, утврдено е дека сторител е А.Р. и од страна на Единицата за насилен криминал при СВР Скопје во координација со ОЈО Скопје денеска (24.10.2024) поднесена е кривична пријава по брза постапка против А.Р. за кривично дело „убиство”, предвидено и казниво по член 123 во врска со член 19 од КЗ на РСМ.
Имаше многу критики за лицата кои претседателката ги помилува. Кај дел од нив полицијата претходно пронашла оружје, дрога, учествувале во инциденти.Сиљановска-Давкова помилува десет осуденици, меѓу нив се најде и името на поранешниот битолски градоначалник Владимир Талески, а големо внимание предизвика и Шенол Маслани од Арачиново, за кој медиумите објавуваат дека е брат на Шенки Версаче.