ПРИЧИНА Е ЛАВРОВ: Не само Украина, туку и балтичките земји ќе го бојкотираат Министерскиот состанок на ОБСЕ во Скопје
Објавено во: Македонија 28 Ноември, 2023
Балтичките држави ќе го бојкотираат состанокот на ОБСЕ во Скопје поради присуството на рускиот министер за надворешни работи, Сергеј Лавров.
Естонија, Летонија и Литванија соопштија дека ќе го бојкотираат Министерскиот совет на Организацијата за безбедност и соработка во Европа (ОБСЕ) во Скопје, доколку присуствува и Лавров. Шефот на естонската дипломатија Маргус Цахкна наведе дека „Русија ќе ја искористи оваа можност да ја шири својата пропаганда и да го поткопа единството на Западот“. Вели дека местото на Лавров е на специјален трибунал, а не на масата на ОБСЕ. Кажа дека треба веднаш да се стави крај на агресијата врз Украина, да се повлечат руските трупи од окупираните области, да се плати компензација за уништувањето и да се повикаат на одговорност криминалците.
„Присуството на Лавров носи ризик да се даде легитимитет на агресорот Русија како законски член на нашата заедница на слободни нации, да ги банализира ѕверските злосторства што Русија ги направи, како и очигледното руско кршење и презир на основните принципи и обврски на ОБСЕ“, стои во заедничката изјава на министрите за надворешни работи на трите балтички земји.
Претходно, и украинскиот министер за надворешни работи, Дмитро Кулеба објави дека нема да дојде на Министерскиот совет на ОБСЕ во Скопје поради присуството на Сергеј Лавров.
Неизвесно беше дали Лавров ќе дојде во Скопје, но Бугарија соопшти дека ќе дозволи прелет на неговиот авион. Лавров претходно пишал писмо до македонскиот министер за надворешни работи, Бујар Османи дека сака да присуствува на Министерскиот состанок на ОБСЕ. Министерката за одбрана, Славјанка Петровска кажа дека не гледа причина зошто Лавров би дошол во Скопје, затоа што Русија се меша во внатрешните работи на други земји и врши агресија врз Украина. Руската инвазија на Украина почна лани на 24 февруари. Македонија е една од многу земји која испрати оружје во Украина.
Можеби ќе ве интересира
„КОВИДОТ ГО ПРОГЛАСУВАА ЗА УМРЕНО, АМА ВО ПРАКСА НЕ Е СЀ БАШ ТАКА - д-р Бојан Трајковски со совети до граѓаните
ВЛАДАТА ПРИЗНА ДЕКА ИМАЛО ТАКОВ ПРЕДЛОГ - Не е именуван в.д. заменик директор на КПД Идризово, еве што објави СДСМ
ЛЕВИЦА ОТКРИВА ШТО СОДРЖИ ИЗВЕШТАЈОТ НА ГЕРМАНСКАТА КОМПАНИЈА ЗА ВОЗДУХОТ НА ХИРУРШКИ КЛИНИКИ - еве кои се нивните сознанија
„СЕ КАЕ ОД ПРВИОТ ДЕН ОТКАКО ГО СТОРИЛА УБИСТВОТО, НО ВЕЛИ ДЕКА ЗАТВОРОТ ЗА НЕА Е ОДМОР“ - потресно сведоштво на осуденичка од Идризово
ДОДЕКА СИ СЕДИТЕ ДОМА И СИ КОМЕНТИРАТЕ „МИ СЕ СВИЃА, НЕ МИ СЕ СВИЃА“ ЗА ОЛИМПИЈАДАТА, НЕМОЈТЕ ДА ЗАБОРАВИТЕ ДЕКА: - еве што наброја новинарката Офелија Димковска
КАКО НЀ ЗАЛАЖУВААТ ТРГОВЦИТЕ ВО ТЕКОТ НА ЛЕТОТО - дали правиме разлика меѓу распродажба, попуст и акција
СО УМИСЛА И ОД БЕЗОБЗИРНА ОДМАЗДА ТРОЈЦАТА БРАЌА ПУКАЛЕ КОН СОСЕЛАНЕЦОТ - Обвинителството бара притвор
„МИНИСТЕРОТ ЗА КУЛТУРА УШТЕ СИНХРОНИЗИРА ТУРСКИ СЕРИИ“ - Апасиев со критика за Љутков
