ПРИХОДИ И КУПОВНА МОЌ НА ПОБОГАТИТЕ СЕМЕЈСТВА: Kои европски земји се на дното?

Добивај вести на Viber

Според односот на приходите и куповната моќ на побогатите семејства, Србија е на дното во Европа.

Во Европа, просечен годишен приход од 71.000 евра е прагот за едно тричлено семејство да влезе во десетте проценти од најбогатите семејства од тој тип, но прагот варира во зависност од земјата и зависи од куповната моќ.

Со анализа на податоци од европската статистичка агенција Евростат и ОЕЦД и со помош на автоматската програма за сметководство buchhaltungsbutler.de, германскиот весник „Меркур“ утврди дека прагот за влез на десетте проценти од најбогатите тричлени семејства со 175.000 евра е највисок во Луксембург и Норвешка (117.319). Следат Данска (105.363 евра), Австрија, Ирска, Холандија и Германија, каде што најбогатите десет проценти заработуваат најмалку 71.000 евра нето годишно.

На самиот крај е Турција со најнизок праг (19.000 евра), по што следуваат Србија (20.518 евра) и Романија (25.117 евра).

Сепак, бидејќи цените во Турција се многу ниски, пишува „Меркур“, приход од 19.000 евра во Турција има поголема куповна моќ, што би одговарало на приход од 46.000 евра на европско ниво.

Со оваа корекција, Турција излегува пред Србија, каде што семејство од три члена со приход од 20.518 евра има куповна моќ од 30.000 евра во европски рамки, а во однос на овој сооднос на богатство и куповна моќ, Србија е последна во Европа, објави агенцијата Бета.

На дното на табелата, дури и богато романско семејство од три члена, со оглед на пониските трошоци за живот, може да си дозволи повеќе од соодветните семејства во Словачка и Унгарија, земји каде што прагот за влез во најбогатите семејства е повисок отколку во Романија.

А на врвот на табелата, факторот цени и куповна моќ ја менува сликата за тоа како релативно високите приходи во една земја навистина го одразуваат богатството. Луксембург останува на првото место, но високите цени значат дека износот од 175.000 евра всушност има многу помала куповна моќ.

foto freepik.com/EyeEm