ПРИВЕДЕНИ ГОСТИ И МЕНАЏЕРКА ВО ЛОКАЛ ВО АЕРОДРОМ - затворен објект и во Карпош
Објавено во: Македонија 26 Декември, 2020
Одговорна во локал во Аеродром, но и двајца гости, вчера биле дури и приведени, бидејќи не сакале да напуштат локал кој бил „уловен“ како работи после дозволеното време, 18 часот.
„На 25.12.2020 во 18.55 часот на подрачје на Аеродором при извршена контрола на угостителски објект од полициски службеници на СВР Скопје во содејство со Државниот пазарен инспекторат, утврдено е дека објектот работи по дозволеното време и во него имало шест гости, при што околу 19.00 часот се лишени од слобода Б.Т.(60) и И.Д.(34) двајцата од Скопје, бидејќи истите не ги почитувале наредбите на полициските службеници да го напуштат објектот. Приведена е и Л.М. (55), одговорно лице во објектот. По целосно документирање на случајот ќе бидат поднесени соодветни пријави“, се вели во соопштението од полицијата.
Вчера, исто така, во времето од 18.00 до 22.00 часот на подрачје на Карпош при извршена контрола на угостителски објект од полициски службеници на СВР Скопје во содејство со Државниот пазарен инспекторат, констатирано е дека угостителскиот објект во сопственост на И.Ч.(26) од Скопје работи по дозволеното време и во него имало гости.
„Објектот е времено затворен, а по целосно документирање на случајот ќе бидат поднесени соодветни поднесоци“, информира МВР.
Инаку, вчера во временскиот период од 16:00 до 23:00 часот на подрачјето на СВР Скопје во соработка со ДПИ извршени се контроли во 270 угостителски објекти.