ПРОДАЖБАТА ДОМА СЕ ЗГОЛЕМИЛА ЗА 48 ОТСТО, А ВО СТРАНСТВО ЗА 18 ПРОЦЕНТИ - еве како работеше „Реплек“ во минатата година
Објавено во: Економија 10 Јануари, 2025
Во текот на 2024 година компанијата Реплек АД го задржа трендот на пораст на приходите од продажба забележан претходните две години, надминувајќи ги проектираните цели од годишниот бизнис план со реализација од 100,5 отсто. За периодот од 1. јануари до 31. декември 2024 година, остварени се вкупни приходи од продажба од 1.919,6 милиони денари (31,2 милиони евра), што претставува раст од 24 отсто во споредба со претходната година, соопштија од компанијата.
Овој успех е продолжение на позитивниот тренд во сите четири квартали од минатата година и се должи на континуираниот раст на приходите од продажба на домашниот, како и на странските пазари. При тоа, приходите од продажбата на домашниот пазар се зголемени за 48% во однос на 2023 година, достигнувајќи 492 милиони денари (8 милиони евра). Во истиот период, приходите од продажбата на странските пазари забележаа раст од 18%, достигнувајќи вредност од 1.427,6 милиони денари (23,2 милиони евра). Најзначаен раст е забележан на пазарите во Југоисточна Азија (62%), регионот на ЗНД (22%) и Југоисточна Европа (24%).
„Овие резултати се доказ за посветеноста на нашиот тим и ефикасноста на нашата развојна стратегија. Во 2025 влегуваме со нова енергија и дополнителен мотив да продолжиме да создаваме вредност за вработените, акционерите и потрошувачите. Наша цел останува да го зајакнеме портфолиото на производи, да инвестираме во модернизација и да продолжиме да градиме цврсти односи со нашите партнери. Уверени сме дека со овој континуиран раст ќе продолжиме да придонесуваме за развојот на македонската економија“, изјави Душан Пецовски, главен и извршен директор на Реплек АД.
И во 2025 година Реплек АД влегува со амбициозни планови за натамошно зголемување на продажбата на странските и на домашниот пазар, на иновациите во своето портфолио на производи, како и на значителни вложувања во технолошкиот напредок и во развојот и добросостојбата на своите вработени кои се дел од долгорочна стратегија за одржлив раст и развој на компанијата.
Можеби ќе ве интересира
ЕСМ: Топланите продолжуваат да работат на природен гас, набавката на мазут е законска обврска
(ВИДЕО) Коце Трајановски: Инсистиравме на промена на дел од раководството на „Штрабаг“ за побргу да го завршиме патот
ПОВЕЌЕ РАБОТНИ ДОЗВОЛИ ЗА НЕПАЛЦИТЕ И ФИЛИПИНЦИТЕ ОД БИХ И КОСОВО: Во Хрватска уште високо котираат Македонците
Економијата контра политиката, цвета трговијата со Бугарија! Колкав е македонскиот извоз и колку потрошивме за увоз на стоки од Бугарија?
ДОНЕ ТАНЕВСКИ ПОВЕЌЕ ДА НЕ БИДЕ ЧЛЕН НА НАДЗОРЕН НА „МАКЕДОНИЈАТУРИСТ“ - вонредно собрание, ќе се отповикуваат старите и ќе се бираат нови членови, но кои, засега е тајна
МЕРКИТЕ ЗА ОГРАНИЧУВАЊЕ НА ЦЕНИТЕ НА ХРАНАТА ИМААТ САМО КРАТКОРОЧЕН ЕФЕКТ - „Фајненс тинк“ со посебно истражување - да се применуваат законите
(ВИДЕО) Коце Трајановски: Само годинава 8 милиони евра ќе платиме за надзорот на автопатите
„ПРВАТА ФАЗА ОД ПРУГАТА КОН БУГАРИЈА Е ПРИ КРАЈ И МНОГУ БРЗО ЌЕ БИДЕ ПУШТЕНА“: Николоски ги кажа најновите информации за сите инфраструктурни проекти
ЕВЕ КОЛКУ ЛУЃЕ РАБОТЕЛЕ НА ЦРНО ВО ГЕРМАНИЈА: Голем дел се во угостителството
