Publicis Groupe преку својот медиумски бренд Zenith го прошири своето партнерство со Nomad Foods и во адриатик регионот
Објавено во: Мои пари 07 Декември, 2022
Водечката компанија за производство на замрзната храна Nomad Foods (Номад Фудс) под чија капа се познатите брендови како Birds Eye, Findus, Iglo, Ledo и Frikom, услугите за медиумско планирање и закуп за Адриатик регионот (Хрватска, Србија, Босна, Словенија, Црна Гора и Северна Македонија) ги додели на Publicis Groupe Adriatic и нејзината медиумска агенција Zenith.
Оваа проширена соработка се надоврзува на веќе седумгодишното партнерство на Zenith со Номад Фудс. Zenith моментално работи на сите онлајн и офлајн медиумски активности на Номад Фудс на други 14 европски пазари.
Во конкуренција со неколку локални агенции, Zenith беше избран врз основа на квалитетот на глобалниот и локалните тимови, нивната локална експертиза, како и врз база на предложениот начин на работа и севкупната координација.
Christian Lee, Глобален оперативен директор во Zenith, изјави: „Возбудени сме што го проширивме нашето долгогодишно партнерство со Номад Фудс. Оваа победа е доказ за нашиот талент, високите перформанси кои ги обезбедуваме, за стратешкиот начин на работа и нашите медиски алатки кои се водечки во индустријата“.
Александра Дилевска, Главен извршен директор на за Хрватска и Северна Македонија, и Главен оперативен директор на Publicis Groupe за Адриатик регионот на додаде: „Да се биде одговорен за медиумскиот бизнис на Номад Фудс во Адриатик регионот е навистина возбудливо за сите нас, а истовремено и доказ за вредноста на "Power of One" кој претставува синергија од најдоброто од сите наши агенции. Горди сме што сме дел од оваа важна задача“.
„Zenith има длабоко и суштинско разбирање на нашата визија за раст и затоа сме радосни за нашето проширено партнерство во Јадранскиот регион“, вели Стив Екс, Главен директор за маркетинг во Номад Фудс.
За Zenith
Зенит е ROI (Return of Investment) агенција. Нашите повеќе од 6.000 специјалисти на 95 светски пазари нудат неспоредливи способности во полето на медиуми, работа со податоци, технологија, трговија и креирање содржина. Ние ја ставаме ефективноста во срцето на нашата работа за да ги решиме сложените предизвици, да постигнеме успешни деловни резултати и да ги развиеме бизнисите на нашите клиенти. Зенит е дел од Publicis Media, медиумската група на Publicis Groupe [Euronext Paris Fr0000130577, CAC40].
За Publicis Groupe – The Power of One
Publicis Groupe [Euronext Paris FR0000130577, CAC 40] е глобален лидер во полето на комуникации. Групацијата е позиционирана на секој чекор од синџирот на вредности, од консалтинг до извршување, комбинирајќи ја маркетинг трансформацијата и трансформацијата на дигиталните бизниси. Publicis Groupe е привилегиран партнер во трансформацијата на своите клиенти за да се подобри персонализацијата во обем. Групацијата се потпира на десет експертизи концентрирани во четири главни активности: Комуникација, медиуми, податоци и технологија. Преку унифицирана и флуидна организација, нејзините клиенти имаат олеснет пристап до целата нејзина експертиза на секој пазар. Присутна во над 100 земји, Publicis Groupe вработува околу 96.000 професионалци.
ПР објава