Рампата крената, Пешевски и Сарачини синоќа на Блаце

Добивај вести на Viber

Косово го укина ембаргото за македонски  производи, Македонија ја тргна влезната такса за косовските жители, а по нормализирањето на односите тргабнати се и блокадите од транспортерите кои 6 дена седеа на Јажинце и Блаце. Синоќа македонскиот вицепремиер Владимир Пешевски и министерот за економија Ваљон Сарачини заминаа на Блаце за да се уверат дека Косово ќе ја креме рампата. „Со ова завршуваат немилите процеси кои што беа во изминатите неколку дена помеѓу овие две држави, кои што настанаа како резултат на ембаргото на увоз прво на одредена група македонски производи, а потоа и целосна забрана за македонски производи од страна на Република Косово. Ние воведовме мерки кои што по автоматизам се укинуваат во оној момент кога и косовската Влада ќе ги укине“, изјави вицепремиерот Пешевски. И министерот за економија Сарачини истакна дека е задоволен од укинувањето на ембаргото. „Македoнија и Косово имаат одлична соработка која треба да се надоградува- особено во делот на економијата. Покажавме цврст став“, изјави Сарачини.