Рашковски негира дека си го барал пасошот назад
Објавено во: Македонија 16 Јуни, 2022
Екс генералниот секретар на Владата, Драги Рашковски негира дека барал судот да му го врати пасошот.
Вели дека лажата вест е со цел да се фрли прашина врз судскиот процес кој е во тек.
„Медиумите секогаш биле добро примани од моја страна како соговорници, затоа би било професионално при било каква објава поврзана со мене да побараат и потврда за планираната објава од моја страна. Голем дел од јавното мислење околу процесот кој е во судска тек е под постојана контаминација од лажни вести, со цел да се креира некаква погрешна слика, Ве замолувам за објективно и проверено известување, доколку сметате дека постојат елементи кои се од јавен интерес. Но, не дозволувајте да сте катализатор на туѓите лажни вести“, додава тој.
Рашковски го гонат за злоупотреби при набавката на софтвер за сообраќајни прекршоци.