РАСТАТ ГЕРМАНСКИТЕ ПЕНЗИИ: Еве колку ќе имаат пензионерите на сметките следната година
Објавено во: Економија 10 Ноември, 2024 15:30
Зголемувањето може да ја подобри финансиската состојба за околу 21 милион германски пензионери, кои се соочуваат со неизвесности предизвикани од политичките превирања и економските промени.
Германските пензионери од 1 јули 2025 година може да очекуваат зголемување на пензиите за 3,5 отсто, се вели во прогнозата од Извештајот за пензиското осигурување за 2024 година, што Министерството за труд го испрати на координација со другите ресори. Зголемувањето може да ја подобри финансиската состојба за околу 21 милион германски пензионери, кои се соочуваат со неизвесности предизвикани од политичките превирања и економските промени.
Зголемувањето од 3,5 отсто би значело, според примерот за пресметка на FLZ News, дополнителни 70 евра месечно за пензионерите со пензија од 2.000 евра. Според тоа, со усогласувањето на пензиите што сега се предвидува за 2025 година, исплатите од 1000 евра би се зголемиле за 35 евра. Со оглед на ниската инфлација, која во септември 2024 година изнесуваше 1,6 отсто, пензионерите навистина можеа да ги почувствуваат придобивките од ова зголемување, бидејќи се очекува инфлацијата веднаш да не ги „изеде“ дополнителните средства.
И покрај политичкиот хаос во Германија, кој предизвика раздор во владејачката коалиција „Семафор“, владините претставници нагласуваат дека остануваат на сила законските одредби за зголемување на пензиите. Сепак, како што нагласува FLZ News, конечната одлука за зголемување на пензиите за 2025 година ќе биде донесена дури на пролет, кога федералната влада ќе ја анализира состојбата на економијата и ќе ги прилагоди распределбите на пензиите според сегашните услови.
Велт посочува дека секако можни се отстапувања од сегашната проценка - на пример, ако економијата и платите се развиваат поинаку од очекуваното. Пред една година се предвидуваше зголемување на пензиите за само 3,5 отсто, а на крајот на 1 јули 2024 година пензиите беа зголемени за 4,57 отсто, пренесува Вечерњи лист.
Пословни.хрМожеби ќе ве интересира
Германија бара работници: Еве ги занимањата што моментално се најбарани
Глобалните берзи паѓаат поради притисок врз технолошкиот сектор
СКОПЈЕ ЧЕСТО СЕ СМЕТА ЗА ЕДЕН ОД НАЈЕВТИНИТЕ ГРАДОВИ ВО ЕВРОПА: Еве ја оценката за макдонската метропола
ЕВЕ КАДЕ ЌЕ ВОЗИ ГРАДСКИ ВОЗ: Николоски објави видео од трасата
Германија бара помош од ЕУ поради зголемувањето на цените на гасот
ЗАПИШАНИ БЛИЗУ ТРИ ИЛЈАДИ ХИПОТЕКИ НА НЕДВИЖНОСТИ: Пораснал бројот на кредитите
Лидл со револуција во методите на плаќање: Наскоро пазарување без чекање во ред на каса
Што воведувањето на еврото носи за Бугарија: Лагард - „Ќе заштеди милијарди“
„Виз Ер“ ја одложи нарачката на 88 авиони од „Ербас“ за три години
