Вчера во Скопје двојно повеќе возачи возеле побрзо од дозволеното од завчера

Добивај вести на Viber

Продолжуваат полициските акции на терен, а продолжуваат и непочитувањата на сообраќајните правила кај возачите.

Вчера МВР санкционирале 87 возачи поради движење со брзина поголема од дозволената додека завчера таа бројка изнесуваше 47.

МВР регистрирала 11 сообраќајни незгоди од кои една со тешки телесни повреди, пет со телесни повреди и пет со материјална штета во текот на вчерашниот ден.

Од сообраќај пак исклучени се и 16 возачи. Осуммина го управувале возилото пред да се стекнат со право за управување на моторно возило, четворица го управувале возилото под дејство на алкохол и четворица биле возачи почетници. 

21 возило се исклучени од сообраќај бидејќи 13 биле нерегистрирани, шест технички неисправни и две со претовар. Двајца возачи се санкционирани бидејќи поминале крстосница на црвено светло, двајца не дале првенство на минување на пешаци, петмина неправилно се престроиле, еден неправилно престигнувал и седум не користеле заштитен шлем.

Во однос на пешаците, санкционирани се 17 пешаци кои поминале коловоз надвор од пешачки премин и 33 кои поминале на црвено светло. Во текот на изминатиот ден издадени се 84 мандатни платни налози,  додека, исто така, 68 возила се подигнати со "Пајак". 

И покрај санкциите констатираме дека нивото на сообраќајна култура е уште на ниско ниво.