РОДИТЕЛИТЕ И БРАТОТ НА СИРСКИ ЖИВЕАТ ВО РУСИЈА И НАВИВААТ ЗА РУСКАТА АРМИЈА: Не е познато дали Олександар комуницира со нив

Добивај вести на Viber

Родителите и братот на новиот врховен командант на вооружените сили на Украина, Oлександар Сирски живеат во Русија и ја поддржуваат руската војска. 

Родителите, братот и роднините на новиот врховен командант на вооружените сили на Украина сè уште живеат во Русија, а неговиот татко е пензиониран полковник на вооружените сили на Русија.

Родум од Владимирската област, новоименуваниот врховен командант на украинските вооружени сили на Украина сè уште е блиску поврзан со Русија не само по местото на раѓање, туку неговите најблиски роднини, вклучително и неговата мајка, татко и брат, продолжуваат да живее таму.

Таткото на Сирски, Станислав, е пензиониран полковник на руската армија, кој заедно со мајката на Сирски, Људмила, живеат со братот на врховниот командант на украинските вооружени сили, Олег, кој работи како обезбедување.

Пред почетокот на војната, родителите на Сирски биле активни на социјалните мрежи, каде што често објавувале патриотски објави  и тоа видео од присуство на марш на почесната руска единица „Бесмртниот полк“ во 2019 година, каде што семејството носат ленти на Свети Ѓорги, забранети во Украина.

Не е познато дали новиот врховен командант на вооружените сили на Украина сега комуницира со семејството, но агенцијата ТАСС разговарала со братот на Сирски, Олег, кој вели дека долги години не комуницирал со својот брат.

„Не комуницирам со него, не знам ни каде е. Не знам ништо за него. Помина долго, долго време откако замина таму (во Украина). Таму е цел живот, таму ја почна својата служба и ја продолжува, таму има семејство“, вели Олег.

Судејќи според социјалните мрежи, братот на новиот украински врховен командант, ги поддржува вооружените сили на Русија.