Родителските школи даваат резултат
Објавено во: Македонија 26 Април, 2018
Намален е бројот на изречени педагошки мерки за учениците, а тоа е резултат на советувањата на родителите, кои се дел од т.н. родителски школи, пишува во најновиот извештај на Државниот просветен инспекторат за работата на институцијата.
Родителските школи како новина беа воведени пред неколку години. Секој родител на проблематично дете има законска обврска да оди на советување во училиштето, во спротивно се соочува со парична казна.
– Од извршените интегрални евалуации и реализираните инспекциски надзори, констатирано е дека дел од слабите страни забележани во претходните извештаи се надминати, а во некои од нив направени се подготовки и почнат е процесот на подобрување.
Инаку родителот мора да оди на советување ако неговото дете има повеќе од три единици и ако има повеќе од 100 оправдани изостаноци. Годишно околу 30 илјади родители одат на овие родителски школи.