Русија од 1 март воведува привремена забрана за извоз на бензин, но не за сите земји
Објавено во: Свет 27 Февруари, 2024
Руската влада планира да воведе привремена забрана за извоз на бензин почнувајќи од 1 март, објави денеска руската новинска агенција ТАСС.
Ограничувањето, како што е наведено, нема да важи за земјите-членки на Евроазиската економска унија и за Јужна Осетија, Абхазија, Монголија и Узбекистан.
Русија ја усвојува оваа мерка со цел да ја изедначи зголемената побарувачка во пролетната и летната сезона, изјави за ТАСС вицепремиерот на Русија Александар Новак.
„Ја потврдуваме оваа информација“, рече тој.
Тој објасни дека одлуката е потребна за да се надомести зголемената побарувачка за време на летните одмори, теренската работа и планираните ремонти во рафинериите.
Забраната за извоз на бензин за шест месеци ја одобрил рускиот премиер Михаил Мишустин. Вицепремиерот Новак претходно му се обрати на премиерот со предлог за воведување привремена забрана. Новак во писмото од февруари спомена дека на домашниот пазар наскоро ќе се зголеми сезонската побарувачка за гориво.
Минатиот септември Русија воведе забрана за извоз на гориво - освен во Белорусија, Казахстан, Ерменија и Киргистан - за да се бори против високите домашни цени и недостигот.
Речиси сите ограничувања потоа беа укинати до ноември 2023 година.
Можеби ќе ве интересира
УРАГАНОТ „КРИК“ СЕ ДВИЖИ КОН ЕВРОПА: Еве каде ќе удри, носи силен ветер и дожд
РУСИН КОЈ СЕ БОРЕШЕ НА СТРАНАТА НА УКРАИНА ЗАГИНА: Станува збор за познат активист
„МЕГА“ ХАКЕРСКИ НАПАД НА РУСКИТЕ МЕДИУМИ ЗА РОДЕНДЕНОТ НА ПУТИН: Дали Украинците стојат за нападот?
ВЛАДИМИР ПУТИН НАПОЛНИ 72 ГОДИНИ: Како од сиромашно момче стана моќен лидер?
„ЌЕ ДОНЕСЕМЕ МИГРАНТИ ОД БУДИМПЕШТА ВО БРИСЕЛ И ЌЕ ГИ ОСТАВИМЕ ПРЕД КАЦЕЛАРИИТЕ“: Орбан се закани
ЕВЕ КОИ СЕ ТРИТЕ НАЈПРИВЛЕЧНИ ЗЕМЈИ ЗА БОГАТАШИТЕ: имаат најатрактивни понуди за „трагачите“ по златна виза
„ХЕЛЕНА“ ИМ ОСТАВИ БРОЈНИ ЖРТВИ, НО СЕГА ПРИСТИГНУВА И „МИЛТОН“: Овој ураган може да биде уште побезмилосен
„СЀ ДОДЕКА СУМ НА ВЛАСТ ЌЕ ГО БЛОКИРАМ ЧЛЕНСТВОТО НА УКРАИНА ВО НАТО“:Сака да ги врати и економските врски со Русија
КИНЕЗИТЕ ГИ ХАКИРАЛЕ АМЕРИКАНЦИТЕ: Упаднале во системите за прислушување
