РУСИЈА СТАВИ ПРЕМИЕРКА НА ЗЕМЈА ЧЛЕНКА НА НАТО НА ПОТЕРНИЦА: еве која е причината
Објавено во: Свет 13 Февруари, 2024
Руското Министерство за внатрешни работи соопшти дека естонската премиерка Каја Калас е вклучена на листата на барани лица во Русија.
„Каја Калас... Основа за претрес: претрес по член од кривичен закон“, се наведува во соопштението.
Министерството не прецизираше за кој член од Кривичниот законик на Русија станува збор.
На листата се и државниот секретар на Естонија Таимар Петеркоп и министерот за култура на Литванија Симонас Каирис.
Mediazona: Estonian PM Kaja Kallas among foreigners on Russian wanted list.https://t.co/z5tssIYb3G
— The Kyiv Independent (@KyivIndependent) February 13, 2024
Руски безбедносен извор, кој сакаше да остане анонимен, изјави за руската државна новинска агенција ТАСС дека тројца балтички политичари се гонат за „уништување споменици на советските војници“ во Втората светска војна.
Калас е гласен поддржувач на Украина од почетокот на целосната инвазија на Русија во февруари 2022 година.
Таа беше еден од најсилните гласови во Европската унија и во НАТО кои се залагаа за обезбедување повеќе оружје за Украина.
For the first time in history, the head of another state—Estonian Prime Minister Kaja Kallas was placed on the Russian wanted list. This is just one of Mediazona's many findings in the comlete wanted database: https://t.co/uUwEWByxuO pic.twitter.com/u0X8yln4Br
— Mediazona English (@mediazona_en) February 13, 2024
Фото: Принтскрин/Твитер