Политиколог: Aко не почнешe бомбардирањето на украинската инфраструктура, повлекувањето на руската армија ќе беше уште побрзо

Добивај вести на Viber

Русија сака пауза во војната бидејќи ништо не оди по планот, изјави рускиот политиколог Максим  Саморуков. 

Според него, никому во Русија не му е потребна оваа војна, освен на рускиот претседател Владимир Путин. Објаснува дека во земја со 150 милиони жители, еден човек може да ја мобилизира целата земја за војна што никој друг не ја сака“. 

Овие свои ставови рускиот политиколог ги изнесе во разговор за емисијата Глобал Фокус на телевизијата Н1. Саморуков дава прилично мрачна слика за тоа што се случува во Русија, пред сѐ во Кремљ.

„Поборници на војна се оние чија институционална тежина е мала и во војната гледаат можност за напредување во хиерархијата на моќта. Тие што имаат институционална тежина – Лавров, Патрушев, Козак, Мишустин, Собјанин, Најбулина – никогаш не беа во партијата на војната. Сите овие луѓе разбираат дека во овој момент нивното незадоволство од војната може многу да ги чини, ќе бидат заменети со младите и силните кои сега се креваат од дното. Затоа сега и тие се принудени да ја поддржат војната. Изгледа Путин како да им излезе во пресрет на ултрапатриотите, но мислам дека тоа беше повеќе цинично и рационално решение, затоа што сфати дека мора да има единствен командант на кого може да му натовари секое повлекување, за да не се смета оти Путин се повлекува. Затоа што дотогаш никој не знаеше кој командува таму, кој е одговорен. Бидејќи никој не знаеше кој е одговорен, сè му се припишува на Путин. Второ, ако не почнеше масовното бомбардирање на украинската инфраструктура, повлекувањето на руската армија ќе беше уште побрзо“, рече Саморуков.

Инаку, руската економија влезе во рецесија девет месеци откако ја почнаа војната во Украина. 

Во ослободениот Херсон во Украина се најдени простории за мачење, а најмалку 63 тела имале знаци на тортура. За потсетување, руската инвазија на Украина почна на 24 февруари.