САКА ДА УЧЕСТВУВА: Иванов прифаќа лидерска средба со Заев закажана за утре
Објавено во: Македонија 18 Мај, 2018
Македонскиот претседател Ѓорге Иванов потврди дека ќе учествува на утрешната лидерска средба што ја организира премиерот Зоран Заев. Ова беше соопштено од кабинетот на претседателот.
– Претседателот на Република Македонија Ѓорге Иванов, имајќи ги предвид важноста на прашањето за името и државните интереси на Република Македонија, ја прифаќа поканата за информативна средба, иницирана од Зоран Заев, претседател на Владата на Република Македонија, закажана за утре, 19 мај 2018 година – соопшти кабинетот на Иванов.
Иванов на утрешната средба очекува да биде информиран за суштината и за деталите од разговорите во процесот за надминување на разликата околу името – се додава во соопштението.