САКААТ ДА БИДАТ ДЕЛ ОД ЕУ: Ереван размислува да аплицира за членство
Објавено во: Свет 09 Март, 2024
Ерменија ќе аплицира за членство во Европската Унија(ЕУ).
Ерменскиот министер за надворешни работи Арарат Мирзојан изјави дека Ереван размислува да аплицира за членство во Европска Унија.
Откако Никол Пашинјан во 2018 година ја презеде премиерската функција, продлабочени се врските на Ерменија со Европа и со САД. Тоа создаде тензии со традиционалниот нејзин сојузник Русија. Пашинјан ја обвини Русија дека сака да ја поткопа неговата Влада. Лани, Азербејџан го нападна регионот Нагорно - Карабах по што над 100.000 Ерменци заминаа во Ерменија. Оттогаш, односите меѓу Русија и Ерменија не се на завидно ниво. Ерменските власти беа разочарани затоа што Русија не им помогна, а имаше и протести пред руската амбасада во Ереван.