САМО ТРОЈЦА ЛУЃЕ ВО СВЕТОТ МОЖАТ ДА ПАТУВААТ БЕЗ ПАСОШ: Кои се и зошто тоа им е дозволено?
Објавено во: Свет 09 Март, 2024
Само тројца луѓе на планетава патуваат без пасош.
Се работи за кралот Чарлс Трети од Обединетото Кралство, Нарухито – царот на Јапонија и неговата сопруга – царицата Масако. Пред кралот Чарлс, таа привилегија ја имаше и Елизабета Втора, која Чарлс ја наследи на престолот откако најдолговечната британска кралица почина на 8 септември 2022 година.
Значи, овој исклучок важи само за кралот (или кралицата) на Обединетото Кралство, а не и за другите членови на британското кралско семејство. Дури и кралицата-сопруга Камила е обврзана да носи дипломатски пасош со себе.
Во Јапонија, во 1971 година тамошните власти издале документ во којшто се наведува дека е крајно несоодветно да се издава пасош за царот или царицата, или пак за нив да важат правилата за патувања и виза како за обичен граѓанин. Оваа привилегија важи само за царот и царицата.
Кога ќе пристигнат во која било земја, од царот и царицата на Јапонија се бара само да покажат документ од тамошното министерство, коешто однапред ја известува земјата-домаќин за нивното пристигнување.