Самоубиство или атентат – верзиите кои се дискутираат во Франција за авиоинската несрека

Добивај вести на Viber

Од утрово во Франција се дискутираат две главни верзии за несреќата на авионот на „Germanwings“ - самоубиство или терористички акт на еден од пилотите. Ова се случи откако денес излезе информацијата дека помошник-пилотот останал да управува со авионот сам, бидејќи капитенот бил надвор од кабината, без да може да влезе во неа.

Новите откритија ја заплеткуваат мистеријата околу трагедијата на француските Алпи. „New Your Times“, повикувајќи се на извори од истрагата, денес соопшти дека пилотот на урнатиот авион бил надвор од кабината за време на несреќата и не можел да влезе во неа. Превозникот „Germanwings“ засега се воздржува од коментар, но прецизира дека вториот пилот имал само 630 часови лет.

Според аудио снимките пилотот тропнал неколку пати на вратата на кабината, а потоа се обидел да ја скрши, пишува американското издание.

Повеќе појаснувања за шпекулациите за отсуството на првиот пилот од кабината се очекува да бидат дадени подоцна од француското обвинителство.

Утрово спасувачките екипи ја обновија својата работа високо во планината. Со нив има и лекари, кои заедно со најблиските ќе им помагаат за препознавање на телата.

„Мора да бидеме многу внимателни со сета почит кон се што роднините сакаат, за да не ги повредиме нивните чувства. Ќе направиме се така што да бидат исполнети сите нивни желби во однос на загинатите нивни блиски ронини и пријатели“, изјавил шефот на екипата спасувачи Хаиме Хил.

Поради тешкиот терен тие се потпомогнати од специјализирани предели делови на полицијата. Тимовите продолжуваат да трагаат по остатоците од телата, за да бидат идентификувани.