Самсунг планира револуција во светот на електрониката?

Добивај вести на Viber

За графин се говори долго време како ќе внесе револуција во светот на електрониката. Меѓутоа, со него се врзани голем број проблеми за производство, а кои Самсунг по се изгледа ги решил. Компанијата открила револуционерен начин на синтеза за побрза комерцијализација на овој уникатен материјал. Компанијата вели дека графинот е подобар од силициумот кога е во прашање проводливоста на електроните, и е поиздржлив и пофлексибилен од целикот. Компанијата САИТ (Samsung Advanced Institute of Technology) во партнерство со Универзитетот Сангкунван од Јужна Кореа е првиот институт  во светот кој ја развил оваа нова метода на синтеза. „Се работи за едно од најзначајните откритија во истражувањето на графинот до сега. Очекуваме ова откритие да ја забрза комерцијализацијата на графин, што за возврат би довело до нова ера на потрошувачка на електронска технологија“ велат одговорните од лабараторијата на САИТ. Дали графинот во блиска иднина би го заменила силициумот останува да видиме, со оглед на тоа што вистински чекори  конечно се постигнати. Во тој случај, Самсунг би можел да оствари неверојатни приходи од лиценцирање на оваа технологија од другите.