Сарачини на преговори во Приштина?
Објавено во: Економија 09 Септември, 2013
Македонија денеска нема да воведува нови контрамерки против Косово. Иако тоа било отворено како можност, сепак според сознанијата на Фактор, одлучено било владина делегација денеска да оди на преговори со косовските власти.
Ваквата информација ја лиферуваа дел од косовските медиуми, но засега од Македонија не е потврдена.Според неофицијални сознанија на Фактор, во делегацијата е македонскиот министер за економија Ваљон Сарачини.
Преговорите, најверојатно ќе бидат во попладневните часови, а Сарачини ќе се сретне со косовската министерка за трговија Мимоза Кусари. И посетата на Сарачини, но и предлогот со кој ќе настапи пред косовските власти- засега се држат во тајност.