Сарачини: УСАИД значаен долгогодишен партнер на македонскиот економски развој
Објавено во: Економија 07 Февруари, 2013
Зголемена конкурентност на приватниот сектор, индустриска политика, развој на мали и средни претпријатија, одржлив економски развој, повеќе инвестиции, подобрена грижа и услуги за вложувачи, подобра извозна промоција, јавно-приватен дијалог, развој на иновативност, знаење, соработка на бизнисот и науката, се областите за кои Македонија бара поддршка од УСАИД како нејзин значаен, долгогодишен партнер.
Ова денеска во Вашингтон и го пренесе министерот за економија Ваљон Сарачини на Пејџ Александер од УСАИД, одговорна за Европа и Азија.
Сарачини изрази интерес за реализирање нови инвестициски проекти за економски развој, бидејќи, како што рече на средбата, пред Република Македонија се наоѓаат многу предизвици за обезбедување одржлив развој и конкурентна економија.
- Република Македонија има донесено повеќе стратегиски документи кои ја креираат развојната рамка. Но, добредојдена ќе биде поддршката за нивна имплементација, како и за спроведување политики и стратегии кои се на највисоко ниво и јасно ја поставуваат визијата за развој, како Индустриската стратегија, стратегиите за развој на мали и средни претпријатија, за извозна промоција, за иновации, за енергетска ефикасност, за туризам, истакна Сарачини.
Во текот на разговорот тој и Александер искажаа задоволството од досегашната успешна, плодна повеќегодишна соработка во рамки на заедничките проекти кои имаа за цел подобар економски развој на Република Македонија, од евидентниот напредок на нашата земја во создавањето поволна деловна клима, како и од конкурентноста на приватниот сектор што го потврдија „Дуинг бизнис“, Светскиот економски форум и позитивните оценки од други меѓународни институции.
Министерот Сарачини заедно со останатите членови на македонската делгација што ја предводи претседателот на Собранието Трајко Вељаноски, денеска во Вашингтон присуствуваше и на годинашниот Молитвен појадок под покровителство на американскиот претседател Барак Обама.
Попладне, Сарачини и претседателот на Собранието Вељановски треба да се сретнат со претседателот на Албанско-американскиот национален совет Авни Мустафај
Можеби ќе ве интересира
„Божиновска доби покана да биде дел од глобалната сцена - Македонија со место на светската маса на престижниот Берлинскиот енергетски форум “
ИМ ТРЕБААТ ВОЗАЧИ, МЕСАРИ, КЕЛНЕРИ: Кои други профили се барани во Германија?
„ЗА ШЕСТ МЕСЕЦИ НАПРАВИВМЕ ПОВЕЌЕ ЗА ГРАЃАНИТЕ ОТКОЛКУ ПРЕТХОДНАТА ВЛАДА ЗА 7 ГОДИНИ“: Владата го кани УПОЗ на разговор
„АЛЕКСАНДАР, ДЕЛУВА НАВИСТИНА ИМПОЗАНТНО ОВА ШТО БЕШЕ НАПРАВЕНО“: Николоски беше пофален од Мицкоски за експресниот пат за Прилеп
АВИОНСКИОТ ПРЕВОЗ „ЦВЕТА“ – граѓаните се помалку и помалку се возат со возови
ДЕЈАН МАНЕВ НА НОВА ПРЕСТИЖНА ПОЗИЦИЈА: Назначен е за Country Director на Evapify Group за Македонија
МИНИСТЕРСТВОТО ЗА ЕКОНОМИЈА ГО ПРОГЛАСИ ЗА УСПЕШЕН ПРОЕКТОТ НОВОГОДИШНА КОШНИЦА - дали цените се намалија како што очекуваа граѓаните
БЕНЕТОН ТИВКО ПОДЕЛИ ОТКАЗИ ВО НАШИОТ РЕГИОН: Огромните глобални загуби ги принудија да направат драстични намалувања
