Мицкоски да каже што го советувал Никола Груевски

Добивај вести на Viber

Христијан Мицкоски бил дел од огромниот број од 91 советник на поранешниот премиер Никола Груевски, објавија вчера од Владата.

Ангажманот на Мицкоски и останатите 90 советници на Груевски годишно ја чинеле државата односно граѓаните над 1,7 милиони евра.

Од СДСМ денеска го повикаа лидерот на опозицијата кој бил советник  за енергетика да одговори што го советувал Никола Груевски.

„Дали Мицкоски го советувал за одлуката на владата на ВМРО-ДПМНЕ за укинување на дневната евтина тарифа на струјата, што резултираше со повисоки сметки за граѓаните?

Дали го советувал Груевски да се намали производството на електрична енергија за да се увезува струја по повисоки цени, заради лично богатење на поединци блиски до ВМРО-ДПМНЕ?

Дали Мицкоски советувал да не се спроведуваат енергетските реформи заради заштита на одредни бизнис интереси?“, прашува Михаела Иванова, од СДММ, посочувајќи дека во тој период Македонија доби најниска оценка, единица, од Енергетската заедница.

-Јавноста треба да знае за улогата на Христијан Мицкоски во креирањето и спроведувањето на погубните политики на ВМРО-ДПМНЕ и Никола Груевски кои нанесоа огромна штета врз интересите на граѓаните и држават, посчија од СДММ.