Се менува Законот: Кој и фрлил мерак на Поштенска банка!?

Добивај вести на Viber

Со новите измени кои денеска го поминаа првото читање пред собраниската Комисија за финансисирање и буџет на Поштенска банка и се одзема ексклузивното право да врши активности поврзани со поштенскиот сообраќај.

Според заменик министерот за финансии Недим Рамизи, Владата ја задржува златната акција што ја има во Поштенска банка преку Македонски пошти и  по евентуалното приватизирање на Банката или Поштите, ќе одлучува дали ќе ја продава или не.

„Се оцени дека ексклузивитетот на Поштенска банка да дава услуги за Македонски пошти е несоодветен на пазарните услови во кои делуваат банките во Република Македонија. Со измената, Поштенска банка, практично, се става во иста позиија како останатите банки. Се легализира тој дел, сите банки ќе имаат можност да ги вршат тие услуги“, посочи Рамизи кој сепак не одговори дали некои од поголемите банки се заинтересирани за купување на Поштенска. Фактор веќе пишуваше дека  Министерството за финансии на големо се спрема за продажба на Поштенска банка, за чија цела бара консултантска куќа која ќе направи проценка на акциите на банката. Владата со својата златна акција се уште има одлучувачка позиција за продажба на оваа банка. Штедилниците се претвараат во банки? Измените предвидуваат на поголемите штедилници да ми се овозможи да се трансформираат во банки, а на помалите во финансиски друштва. „На големите штедилници кои располагаат со капитал значително над предвидениот минимум, ќе им се олесни трансформацијата во банка, без спроведување стечај или ликвидација, додека малите кои прибираат депозити заради законска обврска, ќе може да работат со сопствениот капитал по значително полиберални стандарди“, објасни Рамизи. Законските измени предвидуваат побарувањата на акционерите од банките да се претворат во акционерски капитал на банката, забраната од почетниот капитал да се намалува со враќање на уплатените влогови на акционерите, Народната банка да пропишува повисока стапка на адекватност на капиталот зависно од пазарните и макроекономските услови и воведување обврска, надворешната ревизија на банката покрај ревизија на годишните финансиски извештаи да врши ревизија и да поднесувања извештаи и за работењето на банката. Во делот на прекршоците се намалуваат глобите со цел обезбедување непристрасност при нивното изрекување. Воведен е единствен износ за казни.