Се по законот: Се збогатил од марихуана!

Добивај вести на Viber

Дејн Пијери изгледа како секој друг компјутерски експерт кој работи во Силиконската долина, со разлика на тоа што неговата „старт ап“ фирма продава марихуана.

Овој 26-годишник дошол во 2011 година во околината на Сан Франсиско, како многумина негови врсници кои сакале да бидат дел од технолошкиот бум. Меѓутоа, од пред неколку месеци тој повеќе не се занимава со програмирање, бидјеќи сфатил дека парите целосно легално може да ги заработи во индустријата на канабисот, потенцијално една од најбрзо растечките во САД во наредната деценија.

Тој сега е извршен директор на фирмата „Марвин“ која ја основал во ноември минатата година и која во согласност со постоечкиот закон на Калифорнија за дозволена продажба на медицински препишана марихуана ги снабдува со оваа дрога богатите клиенти во Силиконската долина. Клиентите по пат на сајтот може да се определат за саканата количина и вид, а најмала месечна порачка чини 95 долари. За оние кои недоволно се разбираат во канабис, експертите на „Марвин“ во елегантни црни кутии праќаат ќесички со опис на вкусот и ефектот кој го пружаат.

-Никогаш реално не сум размислувал за канабисот како профитабилен бизнис.. Во 2013 никој во  Силиконската долина не обраќаше внимание на тоа, а тогаш во 2014 сите одеднаш се заинтересираа - рекол Пијери за британски „Дејли телеграф“.

Тој наведува дека не се случува често некој производ да има веќе оромен пазар, но не и уредена достава.

-Тоа создава многу можности за бизнис. Речиси секоја фирма во индустријата на канабисот е „старт ап“. Нема големи играчи зацврстени на своите позиции и никој не знае кога се ќе изгледа за десет години - објаснува Пијери, и додава дека од канабисот би сакал да направи производ кој луѓето ќе го купуваат и конзумираат како и секој друг.