Се продаваат куќи во италијанско село близу морето за 1 евро, но мора да се реновираат
Објавено во: Свет 15 Октомври, 2021
Во Италија се продаваат куќи за 1 евро близу морето, но има еден услов.
Станува збор за селото Пратола Пелиња, оддалечено околу 150 километри од главниот град Рим. Властите продаваат околу 250 домови по цена од едно евро, со надеж дека ќе привлечат нови жители кои ќе ги реновираат и живеат во нив. Меѓутоа, ако плановите за реновирање не бидат пријавени во рок од шест месеци, следува казна од 10.000 евра. Сите тие се релативно мали со околу 70 квадратни метри површина на два ката. Оние што ќе одлучат да дојдат во селото ќе имаат полни раце работа бидејќи домовите се во прилично лоша состојба.