Се спроведуваат вонредни инспекциски надзори во повеќе универзитети
Објавено во: Македонија 26 Октомври, 2024
Вонредни инспекциски надзори се вршат во повеќе универзитети, објави денес премиерот Христијан Мицкоски во изјава за медиумите.
Тој рече дека не е задоволен од состојбата во која се наоѓа образованието, особено високото образование и дека се преземаат чекори во насока на стабилизирање на состојбите.
Одговарајќи на новинарски прашања по денешната посета на Аеродром, премиерот рече дека се извршени вонредни инспекциски контроли на неколку универзитети и дека веќе има наоди и јасна слика што се случува.
- На почетокот на мандатот веднаш беше поништена една сомнителна одлука за формирање на еден отсек на еден универзитет, кој е поврзан со многу сомнежи во минатото. Како Влада тоа го пресековме и ги поништивме акредитациите за два приватни института. Направени се вонредни инспекциски надзори од страна на Државниот просветен инспекторат на неколку универзитети, Климент Охридски, Апостол Павле, Државниот универзитет во Тетово, Меѓународниот универзитет во Струга. Веќе имаме наоди и јасна слика што се случува, објави премиерот.