Се тестира нов сомнителен за коронавирус, кафетериите ќе работат со скратено време
Објавено во: Македонија 12 Март, 2020
Нов сомнителен случај на Клиниката за инфективно се тестира за коронавирус. Тој пациент утринава се јавил со симптоми на температура а дошол од Германија на седми март. За ова информираше министерот Филипче пред малку на прес конференцијата.
Тој во однос на состојбата на заразените деветмина кажа дека шест од нив се стабилни додека кај тројца од нив кои се на возраст над 65 години од синоќа има влошување на состојбата и се интензивирала терапијата.
Вчера беше назначена нова директорка на клиниката за кожни болести.
Утринава пак на Комисијата за заразни болести се разгледани нови дополнителни мерки кои ќе бидат разгледани денес на седница на Влада.
Меѓу нив , Филипче кажа дека ќе се предложи забрана на сите јавни и приватни собири без разлика на бројката на луѓе, кафетериите и рестораните да работат со скратено работно време до 18 часот, и капацитетот на луѓе да биде ограничен а луѓето да бидат на растојание од еден метар еден од друг.
Ќе се предложи како што кажа министерот и да се откажат сите кино проекции, театри концерти, како и продолжување на терапијата на хроничните болни кои досега требаше да одат на лекар специјалист од следните денови да можат да одат и кај матични.
Министерот потсети и дека СЗО синоќа прогласи пандемија.
Синоќа разговарал со првиот човек на СЗО, и кажа дека нема посебни генерални препораки за било која земја, со оглед на панедмијата, но секоја земја има право да воведе свои мерки.
Филипче посочи и дека синоќа имал разговори со колеги од Италија, кои му укажале на тоа дека во одредени делови во северните региони каде епидемијата почна , дури по воведување на најригорозните мерки повеќе нема регистрирани нови случаи, затоа сега воведуваат и во јужните, а Италија е во заштитена зона. Тоа ни укажува да се биде порадикален во тие мерки па оттука и мерките кои ќе се предложат денеска на Влада.Можеби ќе ве интересира
„ОРКЕСТРИРАН НАПАД ВРЗ СКОПЈЕ ИАКО ПРВИ ПРСКАМЕ ПРОТИВ КОМАРЦИ“: Градоначалничката со фото докази за другите општини
„СЕ ДОДЕКА ГРЦИЈА НЕ ГИ ПОТПИШЕ ПРОТОКОЛИТЕ НИЕ НЕМА ДА ГИ ПОЧИТУВАМЕ ОДРЕДБИТЕ КОИ СЕ ОДНЕСУВААТ НА УПОТРЕБАТА НА ИМЕТО СЕВЕРНА МАКЕДОНИЈА“: Најчевска со предлог
„И ПОТОА СДСМ И ПРЕДАВНИКОТ ЗАЕВ СЕ ЧУДАТ КАКО ДОБИВАМЕ АЗИЛ ВО УНГАРИЈА, ШВЕДСКА, УНГАРИЈА“: Груевски распали по изјавата на Игор Југ
МЕГА ОГЛАС ЗА ВРАБОТУВАЊЕ ВО ЛИДЛ МАКЕДОНИЈА: Се бараат работници за над 20 позиции, еве во кои сектори
ПОРТПАРОЛОТ НА ВМРО- НАУМ, СО УШТЕ ЕДЕН ПОЗДРАВ ДО АЛИ: Не напиша ништо, но со фотографијата кажа сѐ
„ВМРОИДИТЕ СИ КУПИЛЕ ЧЕТВОРИЦА ПРАТЕНИЦИ НА КВАНТАШКИ“: Се огласи Апасиев за тоа што ВМРО-ДПМНЕ обезбедија 61 пратеник
СЕ АПЕЛИРА НА ВНИМАТЕЛНОСТ – МОЖНИ СЕ ШТЕТИ: Од ноќта сабота кон недела во Македонија доаѓа силно невреме, кое ќе продолжи и наредната недела
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
