„СЕ УШТЕ ИМАМЕ МОЖНОСТ ДА НЕ ИЗВРШИМЕ НАЦИОНАЛНО ПРЕДАВСТВО“ - партијата Преродба бара поништување на одлуката на бугарското Собрание за кревање на ветото

Добивај вести на Viber

Партијата Преродба ќе бара поништување на одлуката на бугарското Народно собрание со која владата доби мандат да го поддржи францускиот предлог за Северна Македонија и укинување на ветото за почнување преговори за членство во Европската Унија, пренесува Бугарското национално радио.

Ова во име на пратеничката група го истакна лидерот на партијата, Костадин Костадинов.   

Тој инсистираше Министерството за надворешни работи да ги информира народните претставници за новата одлука на францускиот претседател Емануел Макрон.

Костадинов се осврна на вчерашните изјави на македонскиот премиер, Димитар Ковачевски, кој рече дека историските прашања нема да бидат дел од преговарачката рамка меѓу ЕУ и Македонија.

„Со оглед на ова, ќе инсистираме бугарската страна да не го потпише протоколот бидејќи сè уште имаме можност во 12 часот да не извршиме национално предавство додека не се разјаснат апсолутно сите околности околу документот што го ревидирал Макрон“, рече Костадинов.

Вчера на прес-конференција во Владата премиерот Ковачевски во однос на историјата рече дека таа нема да биде дел од преговарачката рамка, што беше една од главните забелешки.

Едно од нашите барања беше дека историските прашања не може да бидат дел од преговарачката рамка и тоа е содржано во овој предлог-документ“, кажа Ковачевски.