Сеад Кочан се дал во бегство?

Добивај вести на Viber

Засега нема нови информации од Судот околу притворот на сопственикот на „Трансмет“ Сеад Кочан на кој вчера Кривичен суд му изрече притвор.

Дел од медиумите соопштија дека по Кочан се трага со потерница и дека осомничениот во случајот Труст на СЈО е во бегство, односно не им е достапен на органите на прогонот.

Адвокатот кој го застапува Кочан, а меѓудругото е адвокат и на екс премиерот Никола Груевски, денеска изјави дека одбраната и обвинетите немаат добиено никакво решение за притвор и додека тоа не се случи тој е слободен човек.

Решение од судот за притвор на обвинетиот во случајот на СЈО не добиле ниту специјалните јавни обвинителки.

Специјалното јавно обвинителство кое го гони бизнисменот не побарало замрзнување на сметките и имотот на „Трансмет“.

Сеад Кочан е првоосмничен во најновата истрага на Специјалното јавно обвинителство, а Трансмет важи за доминантна компанија во тендерските зделки со Владата на ВМРО ДПМНЕ. Од 2012 година досега оваа компанија има добиено близу 64 милиони евра од државни тендери.

Според податоците од Бирото за јавни набавки, најкрупните тендери се со РЕК Битола, односно за четири години, „Трансмет“ на Кочан  кеширала околу 55 милиони евра.

Кој е Сеад Кочан?