Сериозна компанија од автомобилската индустрија ќе инвестира во Кочани?

Добивај вести на Viber

Компанија од автомобилската индустрија ќе инвестира во Кочани, најави денеска вицепремиерот задолжен за економски прашања Владимир Пешевски кој беше на работната посета во овој град. Тој појасни дека се работи за сериозна компанија со која Владата е во директни разговори. Денеска Пешевски се сретна и со вработените во Подрачната единица за земјоделство, шумарство и водостопанство и во Агенцијата за поддршка на земјоделството, како и со градоначалникот Ратко Димитровски каде се зборувало за проблемите со кои се среќаваат овие владини сектори и за политиките во земјоделството. Пешевски најави и дека наскоро ќе се реши проблемот со просторот за Подрачната единица на Министерството за земјоделство со што ќе се овозможи земјоделците при аплицирањето за субвенции да доаѓаат во подобри услови. Тој зборуваше и за проектот што Министерството го реализира со турската компанија ТИКА за новите сорти на ориз и нивното пробно производство на полињата во Кочанско, за увозот и употребата на препарати во оризопроизводството со сомнителен квалитет, како и за откупот на оризот од годинашната реколта. Во однос на барањето на конфекционерите за воведување на субвенции и за нив, исто како како и во земјоделието, Пешевски вели дека е разгледувано многу пати , но владин став е дека сите ндустриски гранки треба да имаат ист третман.