СЕРИОЗНА КРИЗА ВО ГЕРМАНИЈА: Берлин тешко дека може да најде излез- Шолц предизвика големи проблеми
Објавено во: Финансии, Свет 27 Ноември, 2023 10:00
Германскиот канцелар Олаф Шолц и неговиот кабинет ја доведоа Германија во „сериозна национална криза“, изјави за новинарите во саботата Маркус Содер, премиерот на Баварија. Берлин сега тешко може да најде излез од оваа неволја, предупреди политичарот, додавајќи дека „буџетската вонредна состојба“ на владата најверојатно ќе се претвори во уште еден товар за обичните Германци.
Владата најави укинување на контролите на цената на енергенсите до крајот на годинава. Ограничувањата на цените на струјата и гасот беа воведени во 2022 година за да се заштитат домаќинствата и деловните субјекти од зголемувањето на цените на гасот и електричната енергија бидејќи Германија активно го намалува увозот на енергија од Русија, заедно со многу други земји од ЕУ. Мерката беше воведена како одговор на избувнувањето на конфликтот во Украина.
Ограничувањата требаше да останат во сила најмалку до март 2024 година, но Берлин мораше да ги промени своите планови откако германскиот уставен суд го блокираше нејзиниот обид да префрли 60 милијарди евра (66 милијарди американски долари) од фондот за пандемијата „Ковид-19“ на други проекти.
Според Содер, Шолц и неговиот кабинет немаат апсолутно никаков политички план и се „целосно безумни“, рече политичарот, кој ја води и најголемата партија во Баварија, Христијанско-социјалната унија (ЦСУ). „Оваа влада е банкрот“, додаде тој.
Владата е беспомошна
Седер, исто така, го означи прогласувањето на Берлин за „буџетска вонредна состојба“ како знак на „целосна беспомошност“ на владата.
Шефот на Баварија особено ја критикуваше стратегијата на федералната влада во борбата против поскапувањето на енергенсите, што е резултат на откажувањето од руските енергетски испораки само со субвенции. „Идејата за самосубвенционирање на цените на струјата не функционира. Потребна е поинаква енергетска политика. Тоа е суштината на проблемот“, рече тој, барајќи од Берлин конкретно да го поништи затворањето на своите нуклеарни централи.
Сега, укинувањето на ограничувањата за цените на енергијата ќе доведе до високо ниво на неизвесност за економијата и ќе ги зголеми цените на струјата и за граѓаните и за компаниите, предупреди тој.
Можеби ќе ве интересира
КАЗНИ ДО 12 ИЛЈАДИ ЕВРА, РАЈНЕР ПРЕДУПРЕДУВА! Непристојното однесување во авион, скапо ќе го платите
ДУКОВСКИ ВЕЛИ ДЕКА ПРЕТСЕДАТЕЛОТ НА УСТАВЕН НОСИ „ФЕЈК“ РОЛЕКС:„Ова нема врска со ништо, освен со лош вкус“
„ВО ВРЕМЕ КОГА ЕВРОПСКИТЕ ДРЖАВИ ВОВЕДУВААТ ЧЕТИРИДНЕВНА РАБОТНА НЕДЕЛА, ТОЈ ПРОМОВИРА СОВРЕМЕНО РОПСТВО“: Најчевска за Славески
КОНЕЧНО СЕ ЗНАЕ ШТО НОСИ НАЈМНОГУ ПАРИ ЗА РАБОТНИЦИТЕ ВО ЕВРОПА: Блазе на оние што учеле медицина, имаат полни паричници
АКО ОВА СТЕ ГО КУПИЛЕ ОД СРПСКА ИКЕА... Производот се повлекува, итно отстранете го од вашиот дом
КАМАТНИТЕ СТАПКИ ОСТАНУВААТ НЕПРОМЕНЕТИ - монетарната политика го задржува внимателниот карактер
ОГРОМНИТЕ АМБИЦИИ НА СОПСТВЕНИКОТ НА ЛИДЛ: Сега сака да го освои морето и да ги совлада „облаците“
КОЛКУ ЧИНИ СМЕСТУВАЊЕТО ВО ЦРНА ГОРА, ХРВАТСКА, АЛБАНИЈА, ГРЦИЈА И ТУРЦИЈА? Хрватска некогаш беше прифатлива, Турција и сите други ја туркаат од позицијата
ПОМАЛКУ ПАРИ ОД СТРАНСТВО, РАСТ НА ЗАДОЛЖУВАЊЕТО, НО И РАСТ НА БУЏЕТОТ – еве ги Фискалните планови до 2030 година
