„Шарена Револуција“ за ГТЦ: Да го спречиме барокот!

Добивај вести на Viber

Ќе добие ли овојпат Шарената револуција поддршка за спас на ГТЦ. Имено, заедно со здружението за одбрана на ГТЦ вечерва е закажан нов протест. Во фокусот ќе биде најавата на Владата за ставање барок врз ГТЦ. На ова остро се спротивставија архитектите. Од Асоцијацијата на архитекти велат дека со ваквата одлука власта систематски работи на отстранување на сите легални препреки за реализација на истата. Со симнување на заштитата на некои објекти прогласени за  културно наследство, измена на закони и можноста некои објекти да бидат прогласени за “градби од посебна важност”,  се отвори можност за заобиколување на нормалната процедура за добивање на дозвола за градба, вели за Фактор Ана Радоњиќ, член на Асоцијацијата на архитекти на Македонија. „Ставот на ААМ по ова прашање е дециден. Ние остро се спротивставуваме на ГТЦ да му биде сменет автентичниот изглед и функционалното решение“, вели  Ана Радоњиќ, член на Асоцијацијата на архитекти на Македонија. Според идејното решение на Жарко Чаушевски и Филип Богатинов фасадата на ГТЦ требба биде во  неокласицистички стил со десетици антички столбови, а на кровот ќе има голема тераса со неколку скулптури и куполи, украси со бронзени или елементи со златно-жолта боја. Дополнително е предвидено и целосно затворање на трговскиот по принципот на моловите, но и надградба на објектот со уште еден спрат. Сегашниот објект е изграден според идејното решение на професорот Живко Поповски, кој на конкурсот во 1967 година  добил награда токму за ГТЦ.