„Шарли ебдо“ излегува во тираж од 2,5 милиони: „Еве не повторно!”

Добивај вести на Viber

Француското неделно списание „Шарли ебдо", во чија редакција во јануари имаше терористички напад и убиство на 12 лица, ќе излезе оваа среда во тираж од 2,5 милиони примероци, соопштува „Блумберг".

Новиот број ќе излезе со наслов „Еве не повторно!" (C'est Reparti!). На насловната страница на новиот број на сатиричното списание ќе има карикатура со кучиња кои бркаат кученце, кое ја гризе копија на списанието. Меѓу гонителите се папа Фрањо, лидерот на францускиот Национален фронт Марин Ле Пен, поранешниот претседател Никола Саркози, исто така црно куче, кои ја претставуваат терористичката група „Исламска држава".

Потсетуваме дека последниот број беше издаден недела дена по терористичкиот напад против редакцијата на списанието на 7 јануари во Париз, во тираж од 7 милиони примероци, а првата серија од него беше откупена буквално за неколку минути. Тоа веќе донело приходи од 10 милиони евра. Пред нападот во Париз списанието продаваше околу 30 000 примероци неделно.

Најновиот број ќе се продава под засилени мерки за безбедност во Европа.