Шеици го купија „Scotland Yard“ за 467 милиони евра

Добивај вести на Viber

 „Scotland Yard“, седиштето на лондонската полиција, едно од најпознатите во светот, е продадено на инвеститорите од Персискиот залив, објави канцеларијата на лондонскиот градоначалник. Планот на инвеститорот е да го претвори  „Scotland Yard“ во луксузни апартмани.

Во соопштението на градоначалничката канцеларија се наведува дека Абу Даби финансиската група платила за локацијата 370 милиони фунти (467 милиони евра), што е цена за 120 милиони фунти поголема од бараната, пренесува Бета агенцијата.

Локацијата, како што е најавено, ќе биде „стамбена населба за разни намени“.

Полицијата, според планот, ќе се пресели во помала зграда, а се со цел да се намалат трошоците.

На новата локација, се додава, полицијата ќе го задржи својот иконски ротационен симбол „New Scotland Yard“ кој сега стои пред зградата изградена во 1960 година.

Полицијата додава дека заштедата настанала со оваа продажба и селидбата ќе ја пренасочат на купување на современи технички помагала за своите вработени.

Продажбата на „Scotland Yard“ е последна во веќе долгата низа продадени лондонски топ дестинации чии нови сопственици се инвеститорите од Персисикиот залив.