ШОКАНТНО ТВРДЕЊЕ НА РОЈТЕРС: „САД го отфрлија предлогот на Путин за прекин на огнот во Украина“
Објавено во: Свет 14 Февруари, 2024
Соединетите Американски Држави го отфрлија предлогот на рускиот претседател Владимир Путин за прекин на огнот во Украина, објави денеска Ројтерс, повикувајќи се на неименувани извори.
Руски извори на агенцијата рекоа дека прекинот на огнот бил отфрлен по состаноците на посредниците, додека американскиот извор тврди дека немало официјален контакт меѓу двете страни.
Минатата година Путин преку посредници јавно и приватно испрати сигнали до Вашингтон дека е подготвен да размисли за прекин на огнот во Украина, велат изворите на британската агенција.
Тој, наводно, предложил крај на конфликтот, но не бил подготвен да отстапи ниту еден дел од украинската територија што моментално е под контрола на Москва.
„Контактите со Американците беа залудни“, изјави рускиот извор на агенцијата.
Друг извор вели дека Американците преку посредници и рекле на Москва дека нема да разговараат за евентуален прекин на огнот без учество на Украина во преговорите.
Кремљ, Белата куќа, Стејт департментот и ЦИА одбија да го коментираат извештајот на Ројтерс.