„Шпаркасе банка“ отвори нова експозитура

Добивај вести на Viber

Нова експозитура во непосредна близина на Плоштад Македонија, на ул. „Никола Вапцаров“ бр. 18, отвори Шпаркасе банка. Експозитурата Центар е десетта експозитура на Банката во Скопје, на една од најфреквентните локации во градот, овозможува лесна достапност и непречена комуникација на клиентите со вработените и е чекор понапред во определбата на Банката за сеопфатно задоволување на потребите на сегашните и идните клиенти, соопштуваат од „Шпаркасе“. „Шпаркасе Банка е банка блиска до своите клиенти.Како дел од Групацијата Ерсте и Штаермеркише Шпаркасе, во нашата деловна политика вградена е определбата за градење на долгорочни релации со клиентите, преку индивидуален пристап и советодавна услуга на нашите вработени, во најсовремени услови според европски стандарди“, изјави Маја Палчевска, директор на Регионален центар – Центар. По повод отворањето, Банката им доделува по две гратис карти за следната изведба на претставата „Не се клади на Енглези“ на првите пет лица кои ќе станат корисници на еден од пакетите С или М во новата Експозитура Центар. Со отворањето на експозитурата официјално беше пуштен во употреба и новиот банкомат кој Банката неодамна го промовираше. Банкоматот во Експозитурата Центар е првиот поставен банкомат од ваков тип, кој ќе им биде достапен на клиентите, а преку кој ќе можат да ги вршат сите функции на една експозитура. Согласно стратегијата за развој на Банката, во наредните три години постепено ќе ги замени постоечките банкомати со новиот тип на банкомати. Првата трансакција на првиот банкомат со депозитна функција во Македонија ја направи актерот Сашко Коцев, кој како долгогодишен клиент на Банката, пред присутните гости ги демонстрираше единствените можности на овој најсовремен банкомат.