ШУРУК АСАД: Израел продолжува да ги таргетира колегите новинари, изгубивме 120

Добивај вести на Viber

Луѓето во Газа немаат каде да одат, тие се опколени. Условите за живот се многу тешки. 

Палестинската новинарка Шурук Асад зборуваше за N1 за војната во Газа и се осврна на моменталната ситуација во јужниот град Рафах. Најмалку 52 луѓе загинаа во израелското гранатирање на Рафах, град кој се наоѓа на самиот југ од Појасот Газа и во близина на границата со Египет. Шурук Асад објасни што моментално се случува во Рафах.

„Ситуацијата е многу тешка и критична. Пред три часа се случи бомбашки напад и на мета беа двајца наши новинари кои работат за Ал Џезира, на мета на израелски дрон. На еден колега му е тешко повредена ногата, а на друг, иако се наоѓале на безбедно место каде има и многу цивили. Тоа значи дека Израел продолжува да ги таргетира колегите новинари, изгубивме 120 новинари, тоа е голема бројка. Израел тврди дека ќе најдат израелски заложници во Рафах. Луѓето се исплашени и околу милион и пол бегалци се на мал простор, едвај имаат што да јадат, ќебиња и слични потреби, ситуацијата е критична. Поради страв, луѓето тргнаа од Рафах кон центарот на Газа, што е многу опасно подрачје, но немаат каде да одат, тие се опколени“, додаде таа.

Палестинската терористичка група Хамас на 7 октомври лани изврши напад на Израел и уби над 1.400 израелски цивили. Плус убија голем број странски државјани, а земаа и заложници. Хамас бара формирање на независна држава Палестина со главен град Ерусалим и пуштање на палестинските затвореници.