Сите ѝ велеа да не купува кауч од Тему – погледнете што доби за 267 евра

Добивај вести на Viber

Платформата Тему е позната по огромниот асортиман на модни производи и прифатливи понуди за секого, но веројатно не е прв избор кога станува збор за купување мебел, иако една жена неодамна покажа како го реновирала целиот тоалет преку Тему. Сега, Кејти Луис од Манчестер покажа како се снашла кога го презела ризикот и нарачала кауч.

Пријатно изненадена

Кејти покажа кауч на TikTok за кој рече дека платила само 267 евра, и покрај тоа што многумина ја советувале да не го прави тоа. Таа рече дека сличен мебел во продавниците чини значително повеќе.

„Сите ми велеа да не купувам од Тему – па секако дека го направив тоа“, вели Кејти, која неодамна се пресели во нов стан.

Таа призна дека на почетокот била „исплашена“, но наскоро сфатила дека нема причина да се грижи. Испораката траела само два дена, а откако го склопила и тестирала, Кејти го оцени каучот 8/10 за удобност и 10/10 за вкупна вредност.

„Искрено сум изненадена од вредноста и пристигна за два работни дена!“, напиша таа во описот на видеото.

@ecomkatie apartment diy diaries continue with my £233.87 corner sofa from Temu  genuinely surprised at the value and it arrived in 2 working days! #sofa #temu #apartment #decor ♬ BEST INTEREST - Tyler, The Creator

„Всушност не е лошо“

Нејзиното видео брзо стана вирално, собирајќи речиси 150.000 прегледи за помалку од 24 часа, објавува Index.hr. Судејќи според коментарите, имаше доста изненадени луѓе.

„Чекај, два дена??? Тоа е импресивно“, напиша еден корисник. „Всушност не е лошо“, додаде друг. „Зошто сакам да го нарачам истото сега?“, коментираше трет.

Нејзиното искуство е спротивно на трендот во кој социјалните медиуми се преплавени со лоши критики од корисници кои нарачале нешто од Тему и добиле сосема различен производ од оној прикажан на фотографијата. „Конечно некој е задоволен“, „Ова е чудо“, „Среќна девојка, ова не се случува често“, беа коментарите.