16 Ноември, 2018
0.2476

СЈО отвори нова истрага

Објавено во: Македонија 09 Ноември, 2018

 „Империја“ е кодното име на новата истрага која ја отвори Специјалното јавно обвинителство.

Како што соопштија од оваа институција , постапката се отвора по спроведена опсежна предистражна постапка, во која се преземени десетина предмети кои се воделе пред надлежни обвинителства и врз кои воспоставена е надлежност на ова Јавно обвинителство против Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Јордан Камчев, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело. 

„ Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост“, соопштија од СЈО.

Од таму додаваат дека денеска од страна на  ова Јавно обвинителство, во соработка со МВР, беа извршени 12 претреси и лишени се од слобода пет осомничени лица, кои во текот на денот ќе бидат изведени пред судија на претходна постапка и за кои ќе бидат побарани мерки за обезбедување присуство.

Во скоро време се очекува и проширување на истрагата кон нови лица и за нови кривични дела, а во насока на обезбедување на имотно – правните барања од оштетените лица и обезбедување на предметите кои потекнуваат од кривичните дела ќе бидат побарани и мерки за привремено обезбедување на имот.

Можеби ќе ве интересира

ФАКТОР МАГАЗИН: Кој и зошто ги игнорираше сериозните индиции за кукавичкиот чин на Груевски?

ФАКТОР МАГАЗИН: Кој и зошто ги игнорираше сериозните индиции за кукавичкиот чин на Груевски?

Џафери: Не верувам дека Груевски ќе добие азил

Џафери: Не верувам дека Груевски ќе добие азил

Mистерија околу бегството на Груевски

Mистерија околу бегството на Груевски

Интервју Јуруковски: Произведуваме иновативни фармацевтски производи за македонскиот и европскиот пазар

Интервју Јуруковски: Произведуваме иновативни фармацевтски производи за македонскиот и европскиот пазар

Што призна Албанија за бегалецот Груевски?

Што призна Албанија за бегалецот Груевски?

Пешевски: Груевски често ми велеше дека му контрирам

Пешевски: Груевски често ми велеше дека му контрирам

На Филипче не му се даваат пари за обезбедување, се обратил кај Шекеринска

На Филипче не му се даваат пари за обезбедување, се обратил кај Шекеринска

Западен Балкан му ја овозможи рутата на Груевски до Унгарија

Западен Балкан му ја овозможи рутата на Груевски до Унгарија

ТВ24: Груевски се уште се крие во Албанија

ТВ24: Груевски се уште се крие во Албанија