(СКАНДАЛОЗНО ВИДЕО) Негувателка бездушно малтретира старица болна од деменција

Добивај вести на Viber

Шест месеци затвор ќе добие 29 годишна негувателка од Британија.

Британската полиција на својот Твитер објави вознемирувачка снимка која прикажува злоставување на дементна старица заради токму од страна на негувателката. 

Како што пренесува Индекс.хр, 29-годишната Џени Деди требала да се грижи за 69-годишната Лиз Јангс, но видео-снимката од надзорната камера открила дека наместо тоа, таа ја влечела за коса, ја влечела за нос и и буткала прсти во лице и во уста.

За време на летото во 2019 година, ќерката на жената од снимката, Корина Канингам, која живеела со неа во куќата во Норфолк, започнала да забележува мали повреди како модрици на својата мајка.

Заради сето тоа била уклучена камера која целото време била во собата и тоа на видливо место. Полицијата објаснила дека фамилијата сакала да ја сподели снимката од Лиз Јангс јавно, за случајот да не излезе од фокус откако Деди била притворена.

Како што пишува Дејли Меил, за време на една посета на старицата, Деди со себе носела и куче кое ја изгребало старицата, предизвикувајќи длабоки посекотини на нејзините нозе.

Деди, како што се пишува понатаму, ја присилувала старицата да јаде и вербално и физички ја злоставувала. На снимката се гледа како ја влече за коса и како и бутка прсти во лице.

Во една прилика таа ја оставила старицата гола речиси цели 30 минути, со мокра коса и само со пешкир преку колената.

Фамилијата на Лиз Јангс ја видела снимката во ноември 2019 година и веднаш им било јасно дека старицата била злоставувана, после што се вмешала и полицијата.

Деди признала погрешно постапување и занемарување на лице на кое му е потребно посебна нега и осудена е на шест месеци затвор.

„Знаеме дека објавата на оваа снимка предизвика силни реакции, целосно разбираме дека е тешко да се гледа. Го размисливме тоа пред да ја објавиме. Фамилијата на госпоѓата Лиз сакаше така за да се спречат слични случаи“, известиле од полицијата.

Погледнете го видеото.