Скоро 3.000 работни места креирани со „Македонија вработува 2“
Објавено во: Економија 18 Ноември, 2016
Преку проектот „Македонија вработува 2“ досега се реализирани 2.960 вработувања во околу 2.260 компании.
Ова го изјави денеска дополнителниот заменик-министер за труд и социјална политика, Диме Спасов. Тој вели дека проектот ги дава очекуваните резултати.
„Очекуваме овој проект и во наредните некоколу месеци да продолжи да го зголемува бројот на отворени работни места, да влијае на развојот на македонските компании особено со оглед на фактот што најголемиот број корисници на оваа мерка се малите компании со пет до десет вработени, да им помогне да го прошират бројот на вработени“ - кажа Спасов при посетата ма општина Могила.
Тој се надева дека овој проект ќе помогне да се намали невработеноста во државата.
Спасов истакнува дека преку „Македонија вработува 2“ многу граѓани дошле до своето прво работно место, отвориле бизнис, а се поттикнуваат и домашните компании.
Нив државата ги ослободува од плаќање на социјални придонеси во период од три до пет години за да отворат нови работни места и со тоа да го прошират сопствениот бизнис.