Славчо Попоски најавува невреме со пороен дожд и град
Објавено во: Македонија 27 Јуни, 2022 20:45
Во следните денови и тоа под влијание на многу топла воздушна маса од Африка, времето во Македонија ќе се задржи многу топло и сончево со мала локална облачност.
Метеорологот Славчо Попоски вели дека сепак во попладневните и во вечерните часови ќе има локален развој на нестабилна облачност, проследена со пороен дожд, грмежи и засилен ветер.
„Локално ќе има услови и за појава на невреме, проследено со интензивен пороен дожд, силен ветер, силни и чести електрични празнења и со појава на град кој би можел да биде и од поголем пречник. Температурите во следните денови ќе се искачуваат во интервалот од 30 до 38 степени, а Ув – индексот и понатаму ќе има екстремно висока вредност и ќе изнесува коефициент некаде околу 10, па затоа на граѓаните им советуваме да се заштитат од лошото влијание на сонцето, но и да пијат што повеќе течности. Во Скопје и околината исто така ќе се задржи многу топло и сончево, додека во попладневните часови повремено ќе има услови за локална нестабилност“, вели Попоски.
Температурите во следните денови ќе се искачуваат во интервалот помеѓу 34 и 36 степени.
Можеби ќе ве интересира
ФАКТОР НА ДЕНОТ: Љупчо Коцевски поднесе неотповиклива оставка
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
